ఎమ్మిగనూరు, 2024-06-05
ఎమ్మిగనూరు పట్టణ ప్రజలకు శాశ్వత తాగునీటి మెరుగుదల పథకానికి సోమవారం శ్రీకారం చుట్టారు. శ్రీనివాస సర్కిల్ వద్ద రూ. 157.42 కోట్లతో చేపట్టనున్న అభివృద్ధి పనులకు ఎమ్మెల్యే జయనాగేశ్వరరెడ్డి శిలాఫలకాన్ని ఆవిష్కరించి భూమిపూజ నిర్వహించారు.
ఎమ్మిగనూరు పట్టణ ప్రజలకు శాశ్వత తాగునీటి మెరుగుదల పథకానికి సోమవారం శ్రీకారం చుట్టారు. శ్రీనివాస సర్కిల్ వద్ద రూ. 157.42 కోట్లతో చేపట్టనున్న అభివృద్ధి పనులకు ఎమ్మెల్యే జయనాగేశ్వరరెడ్డి శిలాఫలకాన్ని ఆవిష్కరించి భూమిపూజ నిర్వహించారు.
ఈ సందర్భంగా ఎమ్మెల్యే మాట్లాడుతూ.. 2014లో తాము అధికారంలోకి రాగానే రూ. 123 కోట్లతో ఏఐఐబియం పథకాన్ని ప్రారంభించామని, అయితే గత ప్రభుత్వంలో ఎమ్మెల్యేగా ఉన్న చెన్నకేశవరెడ్డి రాజకీయ దురుద్దేశంతో ఆ పథకాన్ని పూర్తిగా నిర్వీర్యం చేశారని ఆరోపించారు.
సీఎం చంద్రబాబునాయుడు, మంత్రులు నారా లోకేష్, నిమ్మల రామానాయుడు చొరవతో యుడియఫ్ఐ (2024-25) ఆర్థిక సహాయంతో ఈ పథకాన్ని పునరుద్ధరించడం సంతోషంగా ఉందన్నారు.
ఈ కార్యక్రమంలో టీడీపీ జిల్లా ఉపాధ్యక్షులు భాస్కర్ల చంద్రశేఖర్, మున్సిపల్ కమిషనర్ గంగిరెడ్డి, ఈఈ గుర్రప్ప యాదవ్, డిఈఈ వెంకటేశ్వర్లు, ఏఈలు నాగశేఖర్, వినోద్ తదితరులు పాల్గొన్నారు.
