ఎమ్మిగనూరు, 27 September
కృష్ణమోహన్, కుటుంబ సభ్యులుతో ఎమ్మిగనూరులోని గెస్ట్ హౌస్లో డా. జయేశ్వర్రెడ్డిని మర్యాదగా కలిశారు. ముఖ్యమంత్రి సహాయనిధి అనుమతి కోసం కృష్ణమోహన్ ధన్యవాదాలు తెలిపారు.
కాలేయ మార్పిడి శస్త్రచికిత్స అనంతరం కోలుకున్న శ్రీ గుర్రేవాల కృష్ణమోహన్, కుటుంబ సభ్యులతో కలిసి ఎమ్మిగనూరులోని గెస్ట్ హౌస్లో ఎమ్మెల్యే డా. బి.వి. జయ నాగేశ్వర రెడ్డిని మర్యాదపూర్వకంగా కలిశారు. కృష్ణమోహన్ చికిత్స కోసం ముఖ్యమంత్రి సహాయనిధి ( సీఎంఆర్ఎఫ్- ఎల్ఓసి ) ద్వారా రూ.10 లక్షల మంజూరు కావడంలో ఎమ్మెల్యే గారు అందించిన సహకారానికి కృతజ్ఞతలు తెలిపారు.
ఈ సందర్భంగా కృష్ణమోహన్ ఎమ్మెల్యే గారికి శాలువా కప్పి ఘనంగా సన్మానించి, తనకు అందించిన సహాయానికి, ప్రభుత్వ అండకు ధన్యవాదాలు తెలిపారు.
పేద, అవసరమైన కుటుంబాలకు వైద్య చికిత్స సమయంలో ముఖ్యమంత్రి సహాయనిధి వంటి ప్రభుత్వ పథకాలు ఎంతో భరోసానిస్తున్నాయని, అర్హులైన వారికి ప్రభుత్వ సహాయం అందేలా కృషి చేస్తామని ఎమ్మెల్యే తెలిపారు.
ఈ కార్యక్రమంలో కోఆపరేటివ్ టౌన్ బ్యాంక్ చైర్మన్, ఆర్య వైశ్య సంఘం ప్రతినిధులు, కమ్యూనిటీ సభ్యులు తదితరులు పాల్గొన్నారు.
