వార్డు ప్రజలకు ఒక ప్రజాప్రతినిధిలా కాకుండా, మీ ఇంట్లో ఒకరిలా ఎల్లప్పుడూ అందుబాటులో ఉంటూ సేవ చేయడమే తన ప్రధాన లక్ష్యమని 39వ వార్డు టీడీపీ కౌన్సిలర్ అభ్యర్థి తురేగల్ నజీర్ అహమ్మద్ స్పష్టం చేశారు. మున్సిపల్ ఎన్నికల నేపథ్యంలో ఎమ్మిగనూరు పట్టణంలోని 39వ వార్డు తెలుగుదేశం పార్టీ కౌన్సిలర్ అభ్యర్థి తురేగల్ నజీర్ అహమ్మద్ బుధవారం ఇంటింటికీ వెళ్లి ఎన్నికల ప్రచారం జోరుగా నిర్వహించారు. ప్రచారంలో భాగంగా వార్డులోని ప్రతి ఇంటికీ వెళ్లి ప్రజలతో మమేకమయ్యారు. స్థానికుల కష్టసుఖాలను, వార్డులో ఎదుర్కొంటున్న పలు సమస్యలను అడిగి తెలుసుకున్నారు. రాబోయే ఎన్నికల్లో తనకు మద్దతు ఇచ్చి గెలిపించాలని కోరారు.
తురేగల్ నజీర్ అహమ్మద్ మాట్లాడుతూ, వార్డు ప్రజలకు ఒక కుటుంబ సభ్యుడిలా అందుబాటులో ఉంటూ సేవ చేయడమే తన లక్ష్యమని పేర్కొన్నారు. ప్రజల సమస్యలను గుర్తించి, వాటి పరిష్కారానికి కృషి చేస్తానని హామీ ఇచ్చారు. వార్డు అభివృద్ధికి ప్రాధాన్యతనిస్తూ, ప్రజల నమ్మకాన్ని నిలబెట్టుకునేలా పనిచేస్తానని తెలిపారు. ప్రజల ఆదరణ, ఆశీస్సులతో వార్డు అభివృద్ధికి కృషి చేయడానికి సిద్ధంగా ఉన్నానని ఆయన తెలిపారు. ఇంటింటి ప్రచారంలో టీడీపీ నాయకులు, కార్యకర్తలు పాల్గొన్నారు.
